Plantun de Prouvènço

Pèr coumpara dos planto d'encò nostre

Oenothera villosa & Festuca acuminata

Rougeto(-peludo)

Oenothera villosa

Onagraceae

Autre noum : Erbo-dis-ase.

Nom en français : Onagre velue.

Descripcioun :
Aquest Oenothera èi di mai coumun dins la valado dóu Rose. La planto èi grando, pelouso e picoutado de rouge (péu glandoulous - fotò) sus la cambo. Li sepalo soun pas rouge, bèn verdo emé gaire o pas de péu glandoulous rouge. Li flour soun souvènt pas gaire duberto.

Usanço :
Li rougeto nous vènon d'Americo dóu Nord. Se manjon, li racino (cuecho), li fueio (coume d'espinard), li flour (en ensalado) emai peréu li grano que dounon d'òli richo en oumega-3. Li racino de rougeto soun vertuouso contro lou mau de vèntre.

Port : Grando erbo
Taio : 0,3 à 2 m
Fueio : óupousado
Tipe bioulougico : Emicriptoufite
Cicle bioulougico : Renadivo mounoucarpico

Gènre : Oenothera
Famiho : Onagraceae

Coulour de la flour : Jauno
Petalo : 5
Ø (o loungour) flour : 2 à 4 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Ermas - Camin - Sablo
Estànci : Mesoumediterran à Coulinen
Couroulougi : Óurigino Americo-Nord
Ref. sc. : Oenothera villosa Thunb., 1794

Petugo(-bencudo)

Festuca acuminata

Poaceae Graminaceae

Nom en français : Fétuque bigarrée.

Descripcioun :
Aquesto petugo trachis sus li pendis séusous is adré de mountagno. Fai de mato de fueio duro emé lou bout blanc e pougnènt quouro ié passas la man dessubre. La paumo de flour, jauno o vióuleto, de 4 à 7 cm, caup d'espigueto de 8 à 11 mm caduno emé 4 à 9 flour qu'an de lemma de 5 à 7 mm emé uno arèsto courto (o ges). La coupo de fueio mostro un esclerenchime de countùni e pulèu espès (vèire lou dessin e la fotò). Lou deforo èi lisc alor que lou dedins s'atrobo rufe.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Festuca
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 4 à 7 cm
Flourido : Printèms - Estiéu

Sòu : Si
Autour basso e auto : 800 à 2800 m
Aparado : Noun
Jun à avoust

Liò : Pelouso - Esboudèu
Estànci : Mountagnard à Subaupen
Couroulougi : Ouroufito-Aupenco
Ref. sc. : Festuca acuminata Gaudin, 1811

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Oenothera villosa & Festuca acuminata

ges

Coumpara Rougeto(-peludo) emé uno autro planto

Coumpara Petugo(-bencudo) emé uno autro planto